PDK kërkon dorëheqjen e Xhelal Sveçlës pas rastit të 27 vjeçarit në Lipjan

Deputeti i PDK-së, Përparim Gruda ka folur në foltoren e Kuvendit pas dështimit të seancës së 44-të.

Ai ka thënë që PDK-ja shpreh ngushëllime familjes së Agon Zejnullahut, derisa kërkon edhe dorëheqjen e ministrit në detyrë, Xhelal Sveçlës.

“Me këtë rast kërkoj përgjegjësi nga organet e shtetit për zbardhjen deri në fund të të vërtetës së kësaj ngajrjeje tragjike që na ka tronditur të gjithëve. Në emër të PDK-së kërkoj dorëheqjen e ministrit të Punëve të Brendshme si një akt i padiskutueshëm moral i përgjegjësisë politike e ligjore.”, tha ai.