“Pastrimi” në grevë edhe në ndërrimin e tretë, kërkojnë përmbushjen e kërkesave

Punonjësit e kompanisë “Pastrimit”, këtë të enjte dolën në grevë për të shprehur pakënaqësinë e tyre lidhje me kushtet e punës.

Revolta e punëtorëve erdhi si rezultat i asaj se kryetari i Prishtinës, Përparim Rama fajësoi kompaninë për mospastrim, e këta të fundit akuzuan të parin e kryeqytetit për borxhet e papaguara.

Sakaq, “Pastrimi”, përmes një komunikate për media ka bërë të ditur se greva po vazhdon edhe në ndërrimin e tretë.

“Siç kemi njoftuar edhe më herët, Grava do të vazhdojë deri në realizimin e kërkesave tona, të cilat tashmë janë të qarta dhe bazike. Nuk do të ndalemi deri në përmbushjen e tyre nga ana e Komunës. Duke filluar nga sot, Greva do të vazhdojë edhe në ndërrimin e tretë”, thuhet në njoftimin e tyre.