Pasivizimi i adresave të shqiptarëve në Luginë, Bajqinovci për QUINT-in: Luan me Kosovën, pulë me Serbinë

Deputeti i VV-së, Mefail Bajqinovci, ka kritikuar shtetet e QUINT-it për mosreagimin e tyre ndaj pasivizimit të adresave të shqiptarëve në Luginë të Preshevës.

Bajqinvci ka thënë se po presim reagim nga QUINT-i për këtë spastrim etnik të shqiptarëve atje.

“Për pasivizimin e adresave të shqiptarëve nga lugina e Preshevës nuk kishte reagim nga QUINT-i. Tash po e pres reagimin e QUINT-it për spastrimin etnik, i cili po ndiqet përmes shkurtimeve buxhetore për Këshillin Kombëtar Shqiptarë në Luginën e Preshevës”, ka shkruar Bajqinovci.

Kështu sipas tij, QUINT-it është “luan me Kosovën dhe pulë me Serbinë”.

“Për pasivizimin e adresave të shqiptarëve nga lugina e Preshevës nuk kishte reagim nga QUINTI.
Tash po e pres reagimin e QUINT-it për spastrimin etnik, i cili po ndiqet përmes shkurtimeve buxhetore për Këshillin Kombëtar Shqiptarë në Luginën e Preshevës. Luan me Kosovën pulë me Serbinë”, shkruan Bajqinovci në Facebook.