Pas stuhive të forta, rreth 30 mijë njerëz në jug të Polonisë mbetën pa energji elektrike

Autoritetet në Poloni thonë se rreth 30 mijë njerëz mbetën pa energji elektrike të premten, pasi erërat e forta shkatërruan linjat e energjisë elektrike.

Kjo vjen pas ngjarjeve ekstreme të motit në të gjithë vendin, veçanërisht në rajonin jugor, ku shirat e rrëmbyeshëm, erërat e forta dhe breshëri shkaktuan dëme në fasadat e ndërtesave të banimit dhe fermave.

Shërbimi i zjarrfikësve tha se kanë punuar për t’u përballur me ndikimin që nga mbrëmja e së enjtes.

Zëdhënësi i Shërbimit Shtetëror të Zjarrfikësve në Kielce, tha se zjarrfikësit kishin më shumë ndërhyrje se zakonisht.