Kryetari i Partisë Demokratike, Sali Berisha, përmes një deklarimi zyrtar, ka thënë se partia të cilën e udhëheq beson në pafajësinë e ish-krerëve të UÇK-së, që po gjykohen në Hagë.
Përmes një postimi në Facebook, Berisha u shpreh se PD-ja ka mbështetur krijimin e Gjykatës Speciale të Kosovës me seli në Hagë dhe ka ndjekur e ndjek me vëmendjen më të madhe punimet e kësaj gjykate në procesin gjyqësor, duke bërë thirrje të mos politizohet protesta e sotme.
“Nuk është publikuar asnjë fakt apo provë që të provojë urdhra direkt të ish-udhëheqësve të UÇK-së për krime konkrete. Ky proces dëshmoi përfundimisht se ai është i bazuar në dosje të fabrikuara nga Beogradi dhe armiq të tjerë të kombit shqiptar që kërkojnë të barazojnë agresorin, pushtuesin me çlirimtarin” shkroi Berisha.
