Pas dhunës fizike ndaj 13 vjeçares në Gjilan, Prokuroria ndërmerr veprime ligjore ndaj pesë të miturave

Pas ngjarjes së rëndë në Gjilan ku një 13 vjeçare u dhunua fizikisht nga bashkëmoshataret e saj, Prokuroria në Gjilan ka ndërmarr të gjitha veprimet ligjore bazuar në Kodin e Procedurës Penale dhe Kodin e Drejtësisë për të mitur.

Në një përgjigje për Telegrafin nga zyra për media e Prokurorisë Themelore në Gjilan kanë bërë të ditur se në këtë rast ishin të përfshira 5 të dyshuara.

Sipas përgjigjes thuhet se ndaj njërës, Prokurori i shtetit ka nxjerrë aktvendim për ndalim dhe për të është bërë Kërkesë për caktimin e arrestit shtëpiak, prej tyre 3 janë të moshës mbi 14 vjeçare, dhe ndaj tyre është duke u zhvilluar procedure penale, konkretisht, ka kallëzim penal, ndërsa, ndaj 2 të tjerave është marrë QPS – Gjilan, pasi që janë nën moshën e përgjegjësisë penale.

“Duke iu referuar kërkesës tuaj të parashtruar me datë 14 gusht 2025, lidhur me rastin e datës 04.08.2025, viktimës së mitur në Gjilan, PPM-96/2025, ju njoftojmë se Prokuroria Themelore në Gjilan, ka ndërmarrë të gjitha veprimet ligjore bazuar në Kodin e Procedurës penale, dhe Kodin e Drejtësisë për të mitur, ku të përfshirë: janë viktima e moshës së mitur 13 vjeçare, dhe 5 të dyshuara – ndaj njërës, Prokurori i shtetit ka nxjerrë aktvendim për ndalim dhe për të është bërë Kërkesë për caktimin e arrestit shtëpiak, prej tyre 3 janë të moshës mbi 14 vjeçare, dhe ndaj tyre është duke u zhvilluar procedure penale, konkretisht, ka kallëzim penal, ndërsa, ndaj 2 të tjerave është marrë QPS – Gjilan, pasiqë janë nën moshën e përgjegjësisë penale”, thuhet në përgjigjen e Prokurorisë.

Ngjarja në Gjilan, babai i dëshmitares mohon se vajza e tij ishte e përfshirë në dhunën ndaj 13 vjeçares
Ndërkaq, nga Prokuroria thonë se: “Referuar kërkesës tuaj, ju njoftojmë se rezervohemi në dhënien e informatave më të detajuara lidhur me rastin pasiqë kemi të bëjmë me të mitur, ku procedura është në zhvillim e sipër, dhe atë konform dispozitave të KPPRK-së”.