Parlamenti Evropian miraton direktivën që mbron gazetarët kundër padive SLAPP, Kusari jep detaje

Juristja e të drejtës së medias, Flutura Kusari, ka njoftuar se Parlamenti Evropian e ka miratuar direktivën që mbron gazetarët kundër Padive Strategjike Kundër Pjesëmarrjes Publike (SLAPP).

Ajo ka shkruar se kjo është një arritje historike.

“Parlamenti i Europës sapo miratoi Direktivën e Bashkimit Europian kundër Padive Strategjike Kundër Pjesëmarrjes Publike (SLAPP). Gazetarët, mediat dhe aktivistët do të jenë më të mbrojtur nga paditë e pabaza të cilat bëhen nga avokatët dhe paditësitë e këqinjë me qëllim të frikësimit dhe dekurajimit të tyre”, ka shkruar ajo.