Papa bën thirrje për ndalimin e luftës në Gaza dhe Ukrainë

Në bekimin e tij të parë të së dielës në mesditë si papë, Papa Leo XIV bëri thirrje për një “paqë të vërtetë dhe të drejtë” në Ukrainë dhe një armëpushim të menjëhershëm në Gaza, duke përcjellë një mesazh të fortë uniteti dhe shprese për Kishën Katolike dhe botën.

Para rreth 100,000 njerëzve në Sheshin e Shën Pjetrit, Papa Leo—i pari nga Shtetet e Bashkuara—u shpreh kundër luftërave në mbarë globin, duke përsëritur thirrjen e famshme “kurrë më luftë” dhe duke kërkuar lirimin e pengjeve dhe të burgosurve të luftës.

“Edhe unë u drejtohem fuqive të mëdha të botës duke përsëritur thirrjen gjithmonë të pranishme ‘kurrë më luftë”, tha ai.

Ai përmendi veçanërisht vuajtjet e Ukrainës, luftën në Gaza dhe përshëndeti armëpushimin midis Indisë dhe Pakistanit.

Ndryshe nga paraardhësit, Leo zgjodhi të shfaqej në ballkonin qendror të bazilikës, duke sinjalizuar një qasje më të drejtpërdrejtë dhe bashkuese. Ai gjithashtu këndoi lutjen Regina Caeli, një ndryshim nga praktika e zakonshme e recitimit.

Gjatë shfaqjes së tij publike ishin të pranishëm liderë konservatorë si Marine Le Pen dhe Matteo Salvini, ndërsa besimtarët e shumtë nga vende të ndryshme valëvitnin flamuj si shenjë të universalitetit të kishës, raporton AP.

Në përfundim, Papa Leo uroi të gjitha nënat me rastin e Ditës së Nënës, duke përmendur edhe ato “në parajsë”.