Albanian
Croatian
English
French
German
Serbian
Turkish
Superstuhia që kaloi mbrëmë nëpër Serbi shkaktoi lëndime në njerëz, e dëme të mëdha materiale.
Siç raportojnë mediat atje, është mbyllur përkohësisht edhe aeroporti “Nikola Tesla”, si dhe ka pasur vështirësi në funksionimin e trafikut hekurudhor.
Anëtarët e Departamentit për Situata Emergjente evakuuan 40 persona, ndërsa disa pjesë të vendit mbetën pa energji elektrike.
Në Sremska Mitrovicë, si pasojë e motit të keq, dy persona janë lënduar rëndë dhe po trajtohen në spital.
Aty është shpallur edhe gjendje e jashtëzakonshme.
Stuhitë mbrëmë kanë përfshirë edhe Kroacinë, Bosnjën e Slloveninë, ku në total u shënuan pesë viktima e shumë persona të tjerë u lënduan.