Pak para takimit me partitë politike, Hargreaves i shkon Osmanit në presidencë

Para takimit të paralajmëruar me përfaqësuesit e partive politike, raportohet se presidentja e vendit Vjosa Osmani, ka pritur sot në një takim ambasadorin e Mbretërisë së Bashkuar në Kosovë, Jonathan Hargreaves.

Ndryshe, takimi konsultativ mes presidentes Osmani dhe partive politike do të mbahet sot, më 4 qershor 2025, në orën 14:00, dhe do të fokusohet në caktimin e datës së zgjedhjeve lokale, ka njoftuar zyra e presidentes.

Mediat do të mund të marrin pamje në fillim të takimit, ndërsa pas përfundimit të tij do të shpërndahet një komunikatë shtypi.