Pak orë nga finalja e madhe në Eurovizion, Dafina Zeqiri del me një thirrje

Shkodra Elektronike do të performojë sot në finalen e madhe të Eurovizionit, duke përfaqësuar Shqipërinë me këngën “Zjerm”. Pas kualifikimit të suksesshëm të Beatriçes dhe Kolës, mbështetja për ta ka ardhur nga shumë figura publike dhe politike, si brenda vendit, ashtu edhe nga shqiptarët në mbarë botën.

Këngëtarja kosovare Dafina Zeqiri ka treguar mbështetje të fuqishme gjatë gjithë rrugëtimit të Shkodra Elektronike, duke bërë të ditur se ka votuar për “Zjerm” dhe duke bërë thirrje që edhe të tjerët të bëjnë të njëjtën gjë.

“Unë votova, voto edhe ti,” ka shkruar Dafina Zeqiri në rrjetet sociale, duke inkurajuar fansat të japin mbështetjen e tyre për Shqipërinë në Eurovizion.