OVL-UÇK dega në Deçan, bëjnë homazhe në Gllogjan në nder të heronjve Burim Mustafaj, Shpend Malaj, Jeton Dedushaj dhe invalidit të UÇK-së, Zeqir Nimanaj

Organizata e Veteranëve të Luftës të UÇK-së Dega Deçan, ka njoftuar se kanë bërë homazhe sot në Gllogjan për të nderuar heronjtë e kombit Burim Mustafaj, Shpend Malaj dhe Jeton Dedushaj, si dhe Invalidin e lavdishëm të UÇK-së, Zeqir Nimanaj.

Në homazhe mori pjesë edhe deputeti i AAK-së, Daut Haradinaj.

”Sot, në Gllogjan, së bashku me shumë bashkëluftëtarë, komandantë, gjeneralë, familjarë dhe qytetarë, bëmë homazhe me zemër të rënduar, por me krenari të thellë, për të nderuar Heronjtë e Kombit: Burim Mustafaj, Shpend Malaj dhe Jeton Dedushaj, si dhe Invalidin e lavdishëm të UÇK-së, Zeqir Nimanaj.

Këta burra të dheut ranë për lirinë që ne sot e gëzojmë, dhe kujtimi për ta do të jetojë përjetë në zemrat tona.

Lavdi sakrificës së tyre!”, thuhet në njoftim.