Osmani uron festën e Kurban Bajramit

Presidentja e vendit, Vjosa Osmani ka uruar festën e Kurban Bajramit, me c’rast ka thënë se është mundësi mbi solidaritetin, sakrificën e tolerancën.

Osmani thekson se kjo festë është mundësi për t’i çmuar lidhjet familjare.

“Është mundësi për t’i çmuar lidhjet tona familjare dhe miqësore, si dhe për të zgjatur dorën e mirësisë ndaj atyre në nevojë. Derisa sot mblidhemi së bashku për të festuar, le të kujtojmë frymën e unitetit dhe harmonisë që simbolizon kjo festë. Me shpresën që kjo festë të sjellë te ju, familjet dhe të afërmit tuaj të mira e begati, ju uroj edhe një herë me fat Kurban Bajramin”, thuhet në urimin e të parës së shtetit.