Osmani pritet me nderime mbretërore në Brunei: Moment historik

Presidentja e Republikës së Kosovës, Vjosa Osmani, është pritur sot me nderime mbretërore në Sulltanatin e Bruneit, në kuadër të një vizite shtetërore që shënon një hap të rëndësishëm në thellimin e marrëdhënieve mes dy shteteve.

Presidentja Osmani e ka cilësuar këtë vizitë si një dëshmi të vullnetit të përbashkët për forcimin e lidhjeve dypalëshe.

“Një moment historik që thekson miqësinë dhe respektin ndërmjet Republikës së Kosovës dhe Sulltanatit të Bruneit,” ka deklaruar Osmani në një postim në Facebook, ku ka shpërndarë edhe pamje nga ceremonia madhështore.