Albanian
Croatian
English
French
German
Serbian
Turkish
Presidentja e Republikës së Kosovës, Vjosa Osmani, zhvilloi një takim njohës me ambasadorin e sapoemëruar të Misionit të OSBE-së në Kosovë, Gerard McGurk, të cilin e uroi përzemërsisht për fillimin e mandatit të tij dhe i dëshiroi sukses në detyrën e re.
Gjatë bisedës, Presidentja Osmani vlerësoi partneritetin e gjatë e të konsoliduar që OSBE-ja ka ndërtuar me institucionet dhe qytetarët e Kosovës.
Ajo nënvizoi se “ky mision ka luajtur një rol kyç në forcimin e demokracisë, promovimin e qeverisjes së mirë dhe avancimin e sundimit të ligjit në vendin tonë“.
Presidentja Osmani rikonfirmoi gatishmërinë e institucioneve të Kosovës për të thelluar bashkëpunimin me OSBE-në, veçanërisht në fushat e reformave, transparencës dhe mbrojtjes së të drejtave të njeriut.
Ajo shtoi se “pret që OSBE-ja do të vazhdojë t`i mbështesë prioritetet kyçe të Kosovës, përfshirë barazinë gjinore dhe përkrahjen e grupeve të margjinalizuara“.