Osmani: Agresori nuk duhet të shpërblehet me tokën e viktimës

Presidentja e Kosovës, Vjosa Osmani po merr pjesë në Samitin Ukrainë-Evropë Juglindore në Dubrovnik, shkruan GazetaDemos.

Ajo u shpreh se agresori asnjëherë nuk duhet të shpërblehet me tokën e viktimës.

“Agresori nuk duhet asnjëherë të shpërblehet me tokën e viktimës! Ashtu siç dështuan në Kosovë, Kroaci, Slloveni e Bosnje-Hercegovinë, forcat barbare do të dështojnë edhe në Ukrainë. Liria dhe demokracia gjithmonë do të triumfojnë”, shkruan Osmani në Facebook.

Presidentja shkruan se solidariteti ynë me popullin e Ukrainës ëshët i rrënjosur thellë në vet përvojën e dhimbshme të popullit tonë.

“Dje, para liderëve të tjerë në Samitin Ukrainë-Evropë Juglindore në Dubrovnik, theksova se mësimet e së kaluarës na kujtojnë se akomodimi i agresorëve nuk sjellë kurrë paqe të qëndrueshme. Solidariteti ynë për popullin e Ukrainës është i rrënjosur thellë në vet përvojën e dhimbshme të popullit tonë. Prandaj, do të vazhdojmë të mbështesim të drejtën e popullit ukrainas për liri, për sovranitet dhe integritet territorial. Deri në fitore”, përfundoi Osmani në Facebook.