Osmani bisedon me presidentin e Letonisë, diskutojnë për liberalizimin e vizave

Presidentja e Kosovës, Vjosa Osmani ka biseduar në telefon me Presidentin e Letonisë, Egils Levits, derisa kanë diskutuar edhe për liberalizimin e vizave.

Këtë e bëri të ditur presidentja e vendit përmes një postimi të bërë në Twitter, ku tha se biseda me Presidentin e Letonisë është pjesë e konsultimeve të rregullta me homologët.

“Unë fola me Presidentin @valstsgriba si pjesë e konsultimeve të mia të rregullta me homologët. Diskutuam çështjet dypalëshe, urgjencën për të dhënë liberalizimin e vizave dhe për rëndësinë e mbështetjes së vazhdueshme për Ukrainën”, shkroi Osmani.

Presiendetja Osmani gjithashtu u shpreh mirënjohëse për mbështetjen e palëkundur të integrimit euroatlantik.