Operacioni policor në Mitrovicë të Jugut e në Pejë, Policia tregon numrin e të arrestuarve (PAMJE)

Policia e Kosovës ka njoftuar se ka realizuar një operacion policor në disa lokacione të ndryshme, shkruan GazetaDemos.

Policia në koordinim me organet e tjera të rendit kanë zhvilluar hetime intensive, me qëllim të zbardhjes së veprimtarive kriminale të disa personave të dyshuar për trafikimin e armëve dhe kultivimin e bimëve narkotike.

“Me datën 7 shtator 2022, Policia e Kosovës, përkatësisht Divizioni Kundër Krimit të Organizuar, në koordinim me Prokurorinë e Shtetit, kanë zhvilluar hetime intensive, me qëllim të zbardhjes së veprimtarive kriminale të disa personave të dyshuar që kryenin veprat e lartcekura. Si rezultat i veprimeve të marra është realizuar operacioni policor në rajonin e Mitrovicës së Jugut dhe në rajonin e Pejës, i cili ka rezultuar me shoqërimin në stacion policor të 11 personave të dyshuar. Po ashtu njësitë policore në këto lokacione, kanë kryer kontrolle të shtëpive dhe objekteve përcjellëse, pronë e të dyshuarve të përfshirë në raste, me qëllim të mbledhjes së provave për veprimtarinë kriminale të të dyshuarve, me ç’rast është gjetur një plantacion i bimëve narkotike në fushë të hapur (pyll)”, thuhet në njoftim.

Gjatë këtij operacioni policor në të dy rajonet në Pejë dhe në Mitrovicë të Jugut, janë sekuestruar provat materiale si:

• shtatë (7) armë (2 Ak47, 5 revole),

• rreth 70 fishekë kalibër të ndryshëm,

• 92 bimë kanabis (marihuanë) me lartësi 1- 1.5 m,

• mbi 25 gramë kokainë,

• 5500 euro (para të gatshme),

• 6 telefona,

• si dhe dokumente relevante për rastin.

Postimi i plotë: