Albanian
Croatian
English
French
German
Serbian
Turkish
Lëngu i panxharit ka fituar popullaritet vitet e fundit për shkak të përfitimeve të shumta shëndetësore.
Ky lëng ngjyrë vjollcë e ndezur është i mbushur me lëndë ushqyese dhe antioksidantë që mund të ndihmojnë në përmirësimin e shëndetit tuaj në shumë mënyra.
GazetaDemos ka kontaktuar nutricionisten Adela Bytyqi nga Partners in Diet, i cili ka bërë të ditur se cilat janë disa nga përfitimet e lëngut të panxharit.
Sipas tij, lëngu i panxharit mund të ndikojë në:
1. Uljen e presionit të gjakut
2. Përmirësimin e performancës tek atletët
3. Përmirësimin e tretjes
4. Forcimin e sistemit imunitar
5. Uljen e kolesterolit
6. Rregullon problemet me potencën (aftësia për ereksion)
7. Zvogëlon rrezikun për demencë vaskulare tek të moshuarit
Përbërësit përgjegjës për pjesën dërrmuese të përfitimeve shëndetësore të lëngut të panxharit janë nitratet.
Nitratet (NO3) janë substanca që gjenden natyrshëm në ushqime si panxhari i kuq, spinaq, brokoli, lakër, rukola, dhe qepë të reja. Nitratet konvertohen në nitrite dhe pastaj në oksid nitrik, ku ky i fundit jep efekte premtuese pozitive në zgjerimin e enëve të gjakut dhe në harmonizimin e qarkullimit të gjakut.
Përveç nitrateve, lëngu i panxharit është burim i vitaminave A, C, E, K dhe B kompleks. Poashtu përmban dhe minerale si hekur, magnez, natrium, kalium, zink, dhe selen.
Si përfundim, lëngu i panxharit është një pije e pasur me lëndë ushqyese që mund të sigurojë një gamë të gjerë përfitimesh shëndetësore. Nga ulja e presionit të gjakut deri te përmirësimi i performancës atletike, ky lëng është një shtesë e shkëlqyer për çdo dietë të shëndetshme. Pra, nëse jeni duke kërkuar për një mënyrë të thjeshtë për të përmirësuar shëndetin tuaj, merrni parasysh të shtoni të paktën 1 gotë lëng panxhari në rutinën tuaj të përditshme.
Mbani në mend, se lëngu i panxharit nuk preferohet të konsumohet nga personat që vuajnë nga gurët e kalciumit (gurët në veshka) dhe ata qe marrin medikamente për të trajtuar hipertensionin.