Close Menu
    sq Albanian
    sq Albanianhr Croatianen Englishfr Frenchde Germansr Serbiantr Turkish
    sq Albanian
    sq Albanianhr Croatianen Englishfr Frenchde Germansr Serbiantr Turkish
    Lajme

    “Nuk të ka hije me qesh, është çështje serioze”, Abelard Tahiri i reagon kryeministrit Kurti

    Deputeti i Partisë Demokratike të Kosovës, Abelard Tahiri e ka kritikuar kryeministrin Albin Kurti, se po flet për të kaluarën sa herë që po ftohet në ndonjë debat parlamentar.

    Ai tha se kryeministri Kurti duhet që të flet më shumë për angazhimin e tij si kryeministër, përfshirë këtu edhe për Marrëveshjen e Washingtonit.

    “Kryeministër mos dil këtu me e komentu atë se çfarë ka ndodhur në të kaluarën, se të kemi pa tu komentu dhe ke bërë opozitarizëm për 12 vite në këtë Kuvend. Në rregull jemi dhe i dimë krejt. Mos dil me e komentu të kaluarën, dil me na fol me të ardhmen. Dil me na fol për marrëveshjen. Dil me na fol për angazhimin tonë për me e rikuperu nëse është bërë ndonjë dëmë”, ka thënë Tahiri.

    Gjatë kohës sa po fliste ai, Tahiri reagoi duke i bërë thirrje Kurtit që të mos qesh kur flitet për tema serioze.

     

    “Është një çështje shumë serioze dhe nuk të ka hije me qesh. Koncentrohu, fokusohu, mos u merr me të kaluarën por merru me të ardhmen. Ne kemi plotësisht të drejtë që të jemi skeptik kur përmendet Albin Kurti dhe SHBA-të sepse i dimë skeptizmat e tua, por ato lej mbrapa dhe fokusohu për të ardhmen. Në mungesë të vizionit ti del dhe flet për ta kaluarën”, ka thënë Tahiri.

     

    Aktualisht në Kuvend është duke u mbajtur debat parlamentar për zbatimin e Marrëveshjes së Uashingtonit. .

    Artikuj të ngjashëm