“Nuk ka qenë asnjëherë në diskotekë”, kjo është vajza 22 vjeçare e Fjolla Morinës që ajo e përmend shpesh

Këngëtarja e njohur Fjolla Morina ka folur për raportin e saj me vajzën, duke zbuluar se ajo nuk është adhuruese e jetës së natës, transmeton Demos.

Morina tregoi se vajza e saj 22-vjeçare nuk ka shkuar asnjëherë në diskotekë, pasi është e përqendruar te shkolla dhe aktivitetet gjatë ditës.

“Është tipi i saj ashtu, është e përqendruar pas shkollës, del në lokale gjatë ditës, por në mbrëmje nuk është që del. Unë nuk jam ajo që e kam ndaluar, dhe për mua është edhe më mirë kështu,” tha ajo.

Përveç jetës familjare, Fjolla foli edhe për karrierën e saj, duke theksuar rëndësinë e investimeve në muzikë.

“Kam investuar shumë në klipe dhe ja ka vlejtur. Duhet të bëhen investime të duhura kur bën muzikë, se ndryshe nuk ia vlen,” tha artistja.