“Nuk e besova se ma vranë familjen, i kanë kallë” – Muqolli rrëfen për Masakrën e Poklekut

Dëshmitari i Masakrës së Poklekut, Fadil Muqolli, ka rrëfyer për tmerrin e 17 prillit, kur forcat serbe vranë 59 civilë shqiptarë.

Në rrëfimin e tij për emisionin“Edicioni Special” të Klan Kosova, Muqolli ka treguar momentet kur e ka kuptuar se i ishte vrarë e gjithë familja.

“Axha Elmia më ka thënë se diçka shumë e madhe ka ndodhur dhe se duhet të jem i fortë. Unë kam menduar se mund të jetë vrarë dikush nga ushtarët ose vëllai që ka qenë ushtar. Kur e kam pyetur sërish, më ka thënë, na i kanë vrarë krejt familjen”, ka deklaruar ai.

Sipas Muqollit, familja e tij ishte vrarë dhe shtëpia ishte djegur nga forcat serbe.

“Nuk e besova, e kam pyetur a e din çka po flet, a je mirë, por më ka thënë ‘po, krejt familjen na e kanë vra dhe na e kanë kallë’. Me fjalë nuk di me përshkru tmerrin që kam përjetu”, rrëfeu