Njoftim: Policia dhe ministria e Infrastrukturës dalin me plan për ‘‘kontrollin e mjeteve të rënda’’

Policia e Kosovës, përmes një komunikate për media ka njoftuar se policia e Trafikut Rajonal të Prishtinës, në bashkëpunim me Ministrinë e Infrastrukturës, drejtorinë e Rrugëve, ka filluar zbatimin e një plani operativ me fokus kontrollin e mjeteve të rënda – kamionëve në rajonin e Prishtinës.

Në komunikatë shtohet se ky plan synon të rrisë sigurinë në trafikun rrugor, të parandalojë aksidentet që përfshijnë mjete të rënda dhe të sigurojë respektimin e kritereve ligjore dhe teknike që rregullojnë këtë kategori të automjeteve.

Komunikata:

Policia e Trafikut Rajonal – Prishtinë, në bashkëpunim me Ministrinë e Infrastrukturës – Drejtorinë e Rrugëve, ka filluar zbatimin e një plani operativ me fokus kontrollin e mjeteve të rënda – kamionëve në rajonin e Prishtinës.

Ky plan synon të rrisë sigurinë në trafikun rrugor, të parandalojë aksidentet që përfshijnë mjete të rënda dhe të sigurojë respektimin e kritereve ligjore dhe teknike që rregullojnë këtë kategori të automjeteve.

Kontrollet po zhvillohen në pika të përcaktuara me rëndësi, ku po verifikohet gjendja teknike e mjeteve, pesha e ngarkesës, dokumentacioni i nevojshëm si dhe respektimi i orarit të drejtimit nga ana e shoferëve.

Policia e Kosovës dhe Ministria e Infrastrukturës kërkojnë nga të gjithë pjesëmarrësit në trafik që të jenë të kujdesshëm, të respektojnë rregullat dhe të kontribuojnë në sigurinë e përgjithshme rrugore.