Njoftim me rëndësi për llapjanët, ka të bëj me Urgjencën e re në Podujevë

Komuna e Podujevës ka njoftuar qytetarët se nga dita e hënë e 2 dhjetorit, të gjitha shërbimet urgjente dhe emergjente do të kalojnë në objektin e ri të Urgjencës.

Sipas njoftimit, -038 200 41 059 është numri kontaktues deri në bartje të numrit 194 nga operatori Vala, ndërsa në objektin aktual të emergjencës mbetet Shërbimi i infuzioneve dhe Kujdestaria e natës.

Ky objekt u përurua rreth dy javë më parë, e në ngjarje mori pjesë edhe kryeministri Albin Kurti, bashkë me ministrin e Shëndetësisë, Arben Vitia, të cilët u mirëpritën nga kryetari i kësaj komune, Shpejtim Bulliqi.

Me një shumë totale prej 1.7 milion euro, bashkëpunim dhe bashkëfinancim i Komunës së Podujevës  me 600 mijë euro dhe Organizatës Qatar Charity me 1.1 milion euro, ky objekt u përurua vetëm dy vjet pas fillimit të ndërtimit.