Plagosje me armë zjarri në Fushë Kosovë/ Njësia Speciale del në vendin e ngjarjes

Në qytetin e Fushë Kosovës para pak çastesh ka ndodhur një plagosje me armë zjarri, shkruan Gazeta Demos.

Lajmin për Demos e ka komfirmuar zëdhënësja e policisë, Flora Ahmeti.

Ajo ka thënë se personi i plagosur menjëherë është dërguar për tretman mjeksor dhe Policia menjëherë ka dal në vendngjarje.

Gjithashtu ajo ka konfirmuar se lidhur me këtë rast janë shoqëruar në stacion policor tre persona, si dhe është identifikuar personi i dyshuar i cili është në kërkim nga ana e policisë. /GazetaDemos/

Njoftimi i saj i plotë:

Sot rreth  orës 14:00, policia  ka marrë informacionin për një plagosje me arme zjarri në rrugën “Shefki Kuleta” në Fushë Kosovë.

Menjëherë pas marrjes së këtij informacioni në vendin e ngjarjes kanë dalë të gjitha njësitet  e nevojshme policore.

Bazuar në të dhënat fillestare, në këtë rast  një person është plagosur, dhe i njëti është dërguar për tretman mjekësor.

Lidhur me këtë rast janë shoqëruar në stacion policor tre persona, si dhe është identifikuar personi i dyshuar i cili është në kërkim nga ana e policisë.

Aktualisht hetuesit policor kanë nisur një hetim për  sqarimin e të gjitha rrethanave që lidhen me rastin .