Një muaj paraburgim për instruktorin e poligonit ku u vetëvra 24-vjeçarja

Një 24-vjeçare ka humbur jetën në Prishtinë, pasi e njëjta është plagosur me armë zjarri në një poligon të premten, rreth orës 19:30, në rrugën “Dritan Hoxha “në Prishtinë, shkruan GazetaDemos.

Në kuadër të hetimeve, është arrestuar një zyrtar përgjegjës i poligonit dhe me vendim të prokurorit është ndaluar për 48 orë.

Ndërkaq sot në Gjykatën Themelore është mbajtur seanca fillestare ndaj tij, ku edhe u kërkua paraburgimi i H.R. për veprën penale “Shkaktimi i rrezikut të përgjithshëm”.

Ndërsa këtë veprim e ka kundërshtuar avokati i të pandehurit, duke thënë se “kërkesa nuk ka mbështetje në nenin 163 te KPPRK-ssë par 2.4 dhe 2.5, pasi edhe prokuroria nuk pretendon dhe se tani është e pa kontestueshme se i mbrojturi im nuk ka ndërmarrë veprim me qëllim apo me dashje për shkaktim të pasojës”.