Një mësuese del kundër grevës: Pasojat po i bartim ne dhe nxënësit duke i zëvendësuar ditët të shtuneve

Mësimdhënësit sot në tërë Kosovën kanë hyrë në grevë njëorëshe, pas vendimit të marrë nga SBASHK.

E njëra nga mësimdhënëset e kësaj shkolle u shpreh se nuk e mbështet grevën e përgjithshme.

“Unë personalisht nuk e mbështes grevën më shumë ditorëshe për shkak të mungesës së mësimit, mendoj se më mirë me zgjedh forma të tjera. Kemi mundësi tash jemi në fundin e vitit ti bllokojmë të gjitha statistikat mos mi dërgu. Mësimi është gjynah me humb për nxënësit”, u shpreh ajo.

Mësuesja tutje shtoi se kanë kaluar qeveri të ndryshme dhe ne në të njëjtën situatë kemi qenë.

“Faji i qeverisë nuk filluam tre javë por ato pasoja i kemi hekur ne mësimdhënësit dhe nxënësit duke i zëvendësuar ditët e shtunë, tash kemi edhe një javë në fund të vitit shkollor ta zëvendësojmë, të gjitha po i pësojmë ne. Jam mësimdhënëse e viteve të 90-ta, kemi punuar pa asnjë cent, çdo kontribut e kemi dhënë. Arsimi nuk është vlerësuar nga asnjë qeveri. Të gjitha i dimë. Por për hirë të fëmijëve të gjejmë një formë tjetër”, u shpreh ajo.