Nis seanca ndaj të akuzuarit për vrasjen e vitit 2023 në “Interex”

Sot në Gjykatën Themelore po mbahet seanca gjyqësore ndaj të akuzuarit Arsim Syla, për vrasjen e 11 shtatorit të vitit 2023 në “Interex”, shkruan GazetaDemos.

Ndërkaq, dëshminë për rastin në fjalë e filloi Fadil Syla.

Ai tha se pasi ndodhi vrasja, tek shtëpia e Arsim Sylës po qëndronin policia, ku edhe do bëhej një kontrollë e shtëpisë së tij, ndërkaq më pas mori lajmin që i njëjti duhet të arrestohet.

Pjesë nga dëshmia:

Fadil Syla: Kam qenë në fshat, kam dalur në mal për të hecur, rreth 1 apo 2 orë. Jam kthyer në shtëpi ka ardhur pasi më ka thirrur në telefon për të dalur për ta pirë një kafe një shok. Pastaj jam kthyer në shtëpi jam bërë gati për tu nisur për Shqipëri, posa kam dalur me makinë nga garazha, i kam pa dy makina të policisë para derës sime, dhe e kam kthyer makinën prapë në garazhë, në atë moment e kam dëgjuar një zhurmë e cila dëgjohet nga rruga jonë, e kam thirrë Arsimin në Telefon, e kam pyetur ku je? Më ka thanë në shtëpi, e kam gjetë para shtëpisë së tij Arsimin në tarasë, e kam pyetur se a e dinë se çka ka ndodhur pse kanë ardhur policia. Jam kthyer prapë te shtëpia ime. Më falë se harrova me thënë se kur i pash policinë i pyeta se çka ka ndodhur, më thanë na kanë thanë me ardhë me ba roje, dhe jam kthyer në shtëpi, tregova se çka i thash Arsimit. Edhe mendova që momentalisht mos të udhëtojë për Shqipëri, sepse nuk e disha se pse janë policia brenda oborrit. I kam dëgju pas pak 4 a 5 makina, kanë shkuar drejtë shtëpisë së Arsimit, menjëherë jam zgjuar dhe kam shkuar tek shtëpia e Arsimit. Deri sa kam shkuar aty Arsimi e kish hapur derën, kishin qenë policia dhe prokuroria, i pyeta se çka ka ndodhur më thanë duhet një kontrollë shtëpisë së Arsimit. Dhe kam qëndruar aty deri sa është kontrolluar shtëpia e Arsimit. Mënëfund u krye kontrolla dhe i thanë Arsimit duhet me të Arrestu. Ikën ata, ne mbetëm në shtëpi sepse skisha se çfarë të bëja. Prokurori: Kur thatë se dolët tek shtëpia dhe e keni pa policinë e ju thanë se do të bëjmë roje. A mundesh me na treguar se ku bënin roje?