Ngjarjet në Veri, cilat janë qëllimet e Vuçiqit sipas Agon Maliqit

Njohësi i çështjeve politike, Agon Maliqi, ka reaguar pas largimit të serbëve nga institucionet e Kosovës, duke e lidhur këtë me propozimin franko-gjerman.

Maliqi ka rikthyer një postim të tij të para një jave, ku thoshte se synimi i Presidentit të Serbisë, Aleksandër Vuçiq është që të mos realizohet propozimi franko-gjerman, por që dështimi të bëhet asisoj që në sytë e perëndimit faji t’i mbetet edhe Kosovës.

Sipas Maliqit, ky është i vetmi skenar që Serbisë ia siguron mundësinë për të vazhduar mbajtjen e lidhjeve edhe me Rusinë edhe me perëndimin, si dhe Vuçiqit ia garanton pushtetin.

“Synimi i Vuçiqit është që të mos realizohet propozimi franko-gjerman, por që ky dështim të bëhet asisoj që në sytë e perëndimit faji t’i mbetet edhe Kosovës. Ky skenar është i vetmi që Serbisë ia siguron mundësinë për ta vazhduar balancimin mes perëndimit dhe Rusisë, dhe që Vuçiqit ia garanton pushtetin”, ka shkruar Maliqi.