Ngjarjet e ditës

Ngjarjet e ditës 4 nëntor 2024:

11:00- Mbahet mbledhja e Kryesisë së Kuvendit. (Kuvendi i Kosovës, C301).

11:00- Komisioni për Mjedis, Ushqim, Bujqësi, Planifikim dhe Zhvillim shqyrton në parim Projektligjin për inspektoratin qendror të mjedisit, ujerave, natyrës, ndërtimit dhe për mbrojtjen nga rrezatimi dhe siguria bërthamore. (Kuvendi i Kosovës, N302)

12:00- Mbahet turneu Memorial i Ping Pongut “Astrit Dehari”, (Palestra sportive “Hakif Zejnullahu”, Podujevë)

12:40- Zv.kryeministrja dhe ministre e Punëve të Jashtme dhe Diasporës, Donika Gërvalla, pret në takim, zv.kryeministrin e Luksemburgut, njëherësh ministër i Punëve të Jashtme dhe i Tregtisë, Xavier Bettel. Pas takimit do të mbahet konferencë për medie. (Objekti i MPJD-së).

13:55- Zv.kryeministri i Parë, Besnik Bislimi, pret zv.kryeministrin dhe ministër i Punëve të Jashtme, Shkëmbimit Tregtar dhe Bashkëpunimit e Veprimit Humanitar të Luksemburgut, Xavier Bettel. Mediet mund të marrin pamje në oborrin e Qeverisë. (Ndërtesa e Qeverisë)

15:00- Zv.kryeministri i Kosovës, Besnik Bislimi, dhe zv.kryeministri i Luksemburgut, Xavier Bettel, do të nënshkruajnë një memorandum mirëkuptimi mes dy vendeve. (Ndërtesa e Qeverisë).

15:20- Presidentja Vjosa Osmani pret në takim zv.kryeministrin, njëherësh ministër i Punëve të Jashtme dhe i Tregtisë, Xavier Bettel. Mediet mund të marrin pamje në fillim të takimit. (Kabineti i Presidentes).