Ngjarje tragjike në Sarajevë: Vajza dyshohet se vrau nënën e saj

Një ngjarje e rëndë ka tronditur lagjen Vishnjik të Sarajevës, në Bosnjë dhe Hercegovinë, gjatë orëve të para të mëngjesit të sotëm.

Një grua ka mbetur e vdekur, ndërsa vajza e saj dyshohet se është autore e vrasjes.

“Këtë mëngjes, rreth orës 4 të mëngjesit, Drejtoria e Policisë së Ministrisë së Brendshme të Kantonit të Sarajevës u njoftua se një vrasje kishte ndodhur në një apartament në lagjen Vishnjik. Vajza dyshohet se ka vrarë nënën e saj, pas së cilës ajo ka tentuar vetëvrasje”, tha Zyra e Prokurorit të Kantonit.

E dyshuara është dërguar në Qendrën Klinike Universitare të Sarajevës (KCUS), ku po trajtohet nën kujdes të shtuar mjekësor. Hetimet për zbardhjen e plotë të rastit janë duke vazhduar dhe po udhëhiqen nga prokurori në detyrë.