Ngjarje e rëndë në Prishtinë: Një burrë dyshohet se ra nga kati i tretë i një ndërtese të pabanuar

Një burrë është gjetur i vdekur dje në mëngjes në Prishtinë.

Ai dyshohet se ka rënë nga kati i tretë i një ndërtese të pabanuar, ndërsa në vend të ngjarjes kanë dalë njësitë përkatëse.

Lajmin e ka konfirmuar Policia e Kosovës, të cilët po ashtu thanë se janë duke e hetuarrastin.

“Prishtinë 20.06.2025 – 07:32. Raportohet se është gjetur pa shenja jete viktima mashkull kosovar. Dyshohet se i njëjti ka rënë nga kati i tretë i një ndërtese të pabanuar. Në vendin e ngjarjes kanë dalë njësitë përkatëse, ndërsa me vendim të prokurorit trupi i pajetë është dërguar në IML për obduksion”, thuhet në raportin 24-orësh.