Neymar: Është e vërtetë, dua të qëndroj te PSG, askush nga klubi nuk më tha të largohem

Neymar JR vazhdon të lidhet me një largim të mundshëm nga Paris Saint-Germain.

Braziliani nuk ka pasur sezonin më të mirë të mundshëm dhe me ndryshimet e fundit në klub flitet për një largim të mundshëm të tij.

Megjithatë, gjithë këtë situatë e ka komentuar edhe vet lojtari, duke konfirmuar një pjesë të tregimit.

“Është e vërtetë nga ana ime se unë dua të qëndroj te PSG”, ka thënë Neymar.

“Pastaj, askush (nga klubi) nuk më ka thënë asgjë mua, por  nga ana ime është e qartë se dua të qëndroj”, shtoi mes tjerash braziliani.

Neymar akoma nuk ka fituar një Champions League me skuadrën e PSG, ndonëse nga Barcelona u largua me atë synim, si dhe me mendjen te Topi i Artë, që po ashtu nuk e fitoi.