Netanyahu thotë se Izraeli përballet me luftë në 7 fronte

Kryeministri izraelit Benjamin Netanyahu thotë se gati një vit pas sulmeve të Hamasit në Izrael më 7 tetor, vendi i tij tani po lufton në shtatë fronte.

“Sot, Izraeli po mbrohet në shtatë fronte kundër armiqve të qytetërimit,” tha ai në një deklaratë video të shtunën, shkruan CNN.

Ai tha se ato përfshijnë Hezbollahun e mbështetur nga Irani në veri, Hamasin në Gaza, Houthis në Jemen, “terroristët” në Bregun Perëndimor dhe milicitë shiite në Irak dhe Siri.

“Dhe ne po luftojmë kundër Iranit, i cili javën e kaluar qëlloi mbi 200 raketa balistike direkt në Izrael dhe që qëndron pas kësaj lufte me shtatë fronte kundër Izraelit”, tha Netanayhu.

Ai tha se po mban premtimin e tij për të ndryshuar balancën e fuqisë në veri midis Izraelit dhe Libanit, ku Hezbollahu i mbështetur nga Irani ka sulmuar Izraelin me raketa që nga 8 tetori i vitit të kaluar.

Duke iu referuar Gazës, ai tha se Izraeli ka të drejtë të mbrohet dhe se nuk do t’i harrojë 101 pengjet “të cilëve ne jemi të përkushtuar me të gjitha forcat për t’i sjellë në shtëpi”.

Ai i quajti “turp” thirrjet e presidentin francez Emmanuel Macron dhe vendeve të tjera për embargo armësh kundër Izraelit.

“Të jeni të sigurt, Izraeli do të luftojë derisa të fitohet beteja – për hir të nesh dhe për hir të paqes dhe sigurisë në botë”, shtoi Netanyahu.