Albanian
Croatian
English
French
German
Serbian
Turkish
Presidentja e Kosovës, Vjosa Osmani, ka ndarë së fundmi në rrjetet sociale një moment krenarie kombëtare, duke postuar një foto dhe një mesazh nderimi për Nëntogeren Vesa Ibrahimi, oficere e Forcës së Sigurisë së Kosovës (FSK).
Në postimin e saj, Presidentja shkruan:
“Një kapitull i ri i shkruar me guxim dhe përkushtim!”
Ky mesazh shoqërohej me flamujt e Kosovës dhe të Shteteve të Bashkuara të Amerikës, në një gjest simbolik që thekson bashkëpunimin dhe arritjet e përbashkëta.
Nëntogere Vesa Ibrahimi ka bërë histori duke u bërë gruaja e parë nga jashtë SHBA-së që diplomon në Ranger School – një nga trajnimet më sfiduese, elitare dhe prestigjioze të Ushtrisë Amerikane.
Ky është jo vetëm një sukses personal, por edhe një moment i rëndësishëm për Forcën e Sigurisë së Kosovës dhe për gjithë vendin, duke dëshmuar profesionalizmin, përgatitjen dhe guximin e grave në uniformë.
Diplomimi i Ibrahimit në këtë shkollë të njohur ndërkombëtarisht vjen si një dëshmi se vajzat e Kosovës nuk njohin kufij në arritje, madje as në fushat më sfiduese siç është ushtria.
Ajo tashmë përfaqëson jo vetëm Kosovën, por edhe fuqizimin e grave në strukturat e sigurisë.
