Nën masa të larta sigurie, Trump luan golf në Skoci

Një operacion i madh sigurie është intensifikuar ndërsa presidenti amerikan Donald Trump luajti golf në ditën e parë të vizitës së tij private në Skoci.

Ai e nisi lojën në resortin e tij luksoz Trump Turnberry në South Ayrshire rreth orës 10:00, pasi kishte mbërritur në Aeroportin Prestwick të premten në mbrëmje.

Dita kaloi pa incidente, ndërsa qindra demonstrues u mblodhën në Aberdeen dhe Edinburg për të protestuar kundër vizitës.

Trump do të takohet me Kryeministrin e Mbretërisë së Bashkuar Sir Keir Starmer dhe Kryeministrin e Skocisë John Swinney gjatë ditëve të ardhshme, si dhe do të hapë një fushë të dytë me 18 vrima në pronën e tij në Aberdeenshire, raporton BBC.

Trumpi tha se ishte “shumë mirë të isha në Skoci” dhe ka lavdëruar udhëheqësit e të dy qeverive.