“Në ndërgjegjen e secilit, ka më rëndë”, Kallas për Vuçiqin në Moskë

Përfaqësuesja e Lartë e BE-së, Kaja Kallas, ka thënë se shtetet anëtare të Bashkimit Europian “nuk po e marrin lehtë” vizitën e presidentit serbe Aleksandar Vuçiq në Moskë për paradën e Ditës së Fitores.

Kallas në një konferencë të përbashkët me kryediplomatin polak, Radoslaw Silkorski, u pyet për shkuarjen e Vuçiqit në Moskë dhe nëse do të ketë kjo vizitë ndikim në rrugën e anëtarësimit të Serbisë në BE, raporton Gazeta Express.

“Epo, nga njëra anë pozitive, ushtria serbe nuk po merr pjesë në paradë. Dua të them, kjo do të kishte qenë një hap tjetër, [edhe më i rëndë]. Por, sigurisht, kjo mbetet në ndërgjegjen e të gjithë atyre që po shkojnë, realisht, krah për krah me Putinin, i cili po zhvillon një luftë tani. Jo në të kaluarën, por tani. Lufta më e madhe në Europë që nga Lufta e Dytë Botërore. Prandaj, siç e kam thënë edhe më herët, shtetet anëtare nuk po e marrin lehtë këtë. Dhe kur diskutojmë për hapat e ardhshëm, shtetet anëtare kanë shumë pyetje. Kush është miku yt? Me kë po merresh realisht?”, tha Kallas.

Presidenti i Serbisë arriti në Moskë më 7 maj. Gjatë udhëtimit aeroplani i tij, sipas raportimeve të mediave serbe, u ndal u ndal fillimisht në kryeqytetin e Azerbajxhanit për shkak të luftimeve në Ukrainë.

Sipas Kremlinit, më 9 maj është paraparë një takim dypalësh ndërmjet Vuçiqit dhe presidentit rus, Vladimir Putin