Në Këshillin e Evropës, Lajçak kërkoi mbështetje për pranimin e Ballkanit Perëndimor në BE

I dërguari i BE-së për dialogun Kosovë-Serbi, Miroslav Lajçak, ka kërkuar nga Komisioni për Çështje Politike dhe Demokraci të Asamblesë Parlamentare të Këshillit të Evropës që të mbështesë të ardhmen evropiane të vendeve të Ballkanit Perëndimor.

“Duke folur sot para Komisionit Politik për Çështjet Politike dhe Demokracinë të Asamblesë Parlamentare të Këshillit të Evropës në mbështetje të së ardhmes evropiane të Ballkanit, theksova se, pavarësisht se sa të mira apo fisnike janë idetë, marrëveshjet apo rezolutat tona, ato nuk do të ketë ndikim pa parlamentarët. Ata mbajnë çelësin e së ardhmes evropiane të vendeve të tyre”, shkroi Lajçak në Twitter.

Addressing @PACE_Political today on supporting a European future for the Balkans, I stressed that no matter how good or noble our ideas, treaties or resolutions are, they will have no impact without parliamentarians. They hold the 🗝 to the 🇪🇺 future of their countries. pic.twitter.com/4SAjb5L3E4

— Miroslav Lajčák (@MiroslavLajcak) September 13, 2022

Gjatë fjalës së tij, siç raporton Ekonomia online, Lajçak tha se është e rëndësishme që premtimet evropiane të bëhen më të prekshme në Ballkanin Perëndimor.

“Kjo duhet të bëjë një ndryshim në jetën e përditshme të njerëzve. Këshilli i Evropës ka një kuti të plotë mjetesh për të ndihmuar”, tha Lajçak.

Ai shprehu shqetësimin se dështimi për të ofruar një perspektivë evropiane për Ballkanin Perëndimor krijon hapësirë ​​për modele më pak demokratike.

“Ju, deputetë, keni një rol qendror në atë proces, sepse jeni në kontakt me popullin”, tha Lajçak.