Në 26-vjetorin e Policisë, Ferit Idrizi u ndan mirënjohje dy zyrtareve policore për bashkëpunimin e vazhdueshëm me Komunën

Kryetari i Komunës së Vushtrrisë, i cili po garon edhe për një mandat, Ferit Idrizi, e ka nisur javën duke u takuar me zyrtaret policore të kësaj komune, Afërdita Arifi dhe Luljetë Halili.

Ai u ka ndarë atyre nga një mirënjohje për bashkëpunimin e vazhdueshëm me Komunën e Vushtrrisë dhe përkushtimin e tyre profesional në shërbim të qytetarëve.

“Pikërisht në ditët kur u shënua 26-vjetori i Policisë së Kosovës, zyrtaret e policisë të komunës tonë i urova edhe këtë përvjetor të rëndësishëm të institucionit që ka qenë gjithmonë në shërbim të qytetarëve dhe sigurisë sonë të përbashkët”, ka shkruar ai.