Ndërron jetë foshnja që u braktis në bodrumin në Tiranë, nëna e arrestuar: S’kisha mundësi të kujdesem për të

Foshnja e cila u gjet e braktisur në një bodrum në zonën e Yzberishtit në Tiranë, ka ndërruar jetë.

Lajmin e ka bërë të ditur ministri i Brendshëm në Shqipëri, Taulant Balla, i cili tha se kjo ngjarje e rëndë kërkon një reflektim dhe masa konkrete nga të gjithë.

“Sapo mora një lajm të trishtë nga Drejtori i Spitalit Obstetrik-Gjinekologjik “Koço Gliozheni” , i cili më njoftoi se foshnja e braktisur në zonën e Yzberishtit në Tiranë nuk ia doli dot 😭 edhe pse mjekët e spitalit bënë të gjitha përpjekjet. Policia e Shtetit ka identifikuar dhe ka ndaluar nënën që e braktisi pa na dhënë mundësinë ne të gjithëve, agjencive shtetërore, shoqërisë civile ta gjenim në kohë dhe të mund ta shpëtonim. Kjo është një ngjarje e rëndë që kërkon një reflektim dhe masa konkrete nga të gjithë”, shkroi Balla.