Në një deklaratë të përbashkët mbi konfliktin midis Izraelit dhe Iranit, Irani shihet si “burimi kryesor i paqëndrueshmërisë dhe terrorit rajonal”.
Lajmet e fundit nga samiti i G7-s në Kanada: Presidenti i SHBA-së, Donald Trump, largohet më herët nga samiti i G7-ës dhe kthehet me aeroplan në Uashington.
“Duhet të kthehem sa më shpejt të jetë e mundur”, tha Trump.
Lufta në Lindjen e Mesme, e cila hodhi hije samitin e G7-ës bëri që edhe politikani më i rëndësishëm në këtë samit të largohet vetëm pas një dite të samitit, pas një fotoje familjare dhe darkës.
“Do të doja shumë të qëndroja deri nesër, por ju të gjithë e kuptoni. Gjëra të mëdha po ndodhin tani”, tha Trump.
Trump u bën thirrje banorëve të Teheranit të evakuohen
Pak më parë, Trump u kishte bërë thirrje të gjithë banorëve të Teheranit në platformën e tij Truth Social të largoheshin nga qyteti.
Sekretari i Mbrojtjes i SHBA-së, Pete Hegseth, njoftoi njëkohësisht vendosjen e “kapaciteteve ushtarake” shtesë në rajon.
Samiti i G7 është dëshmitar i një përshkallëzimi të mëtejshëm në Lindjen e Mesme.
Megjithëse, gjithçka kishte filluar harmonikisht në mëngjesin e së hënës: peizazhe malore, ujëra të rrëmbyeshëm dhe mikpritësi kanadez Mark Carney duke pritur kancelarin gjerman.
Kurs afrimi me presidentin Trump
E pastaj shou i Trump.
“Gjithmonë e kam thënë se ishte një gabim përjashtimi i Rusisë nga G8”, sipas Trump.
Por ish-presidenti i SHBA-së Barack Obama dhe një “person i quajtur Trudeau” e bënë këtë në atë kohë.
Carney qëndron duarkryq dhe nuk kundërshton.
Justin Trudeau, paraardhësi i tij si kryeministër i Kanadasë, as nuk ishte në detyrë në vitin 2014.
Por nuk duket se kjo ka rëndësi.
Përpjekje afrimi me Trump që në fillim të sesionit të parë të punës.
Nostalgjia nuk është një strategji, thotë Carney; ndryshimi është i rëndësishëm.
“Disa, ju, për shembull, Z. President, e kuptuat këtë herët dhe vepruat me guxim”.