Ndarja e mjeteve për libra nga Qeveria, Bytyqi me ironi: Të qeshim të gjithë së bashku

Deputetja e AAK-së, Albana Bytyqi këtë të mërkurë reagoi lidhur me ndarjen e mjeteve nga Qeveria për librat nga klasa e 1-5, përcjell GazetaDemos.

Ajo, përmes një postimi në profilin e saj në rrjetin social Facebook, ka shkruar se kjo parti ka anuluar tenderin me arsyetimin se janë tejkaluar 500 mijë euro nga vlera e parashikuar dhe tash kanë ndarë 6 milionë euro.

Më tej ajo ironizoi duke thënë se “Të qeshim të gjithë së bashku”.

Postimi i plotë i saj:

Të mësojmë nga Lëvizja Vetëvendosje miq, ja kështu kursehet buxheti i shtetit.

Anulojmë tendere me arsyetimin se janë tejkaluar 500 mijë nga vlera e parashikuar dhe përnfundojmë me     ndarjen e mbi 6 milionë për blerjen e librave.

Të qeshim të gjithë së bashku!