Ndahen Robert Berisha dhe Ana Skrel, përfundojnë spekulimet për lidhjen

Njëri nga çiftet më të komentuar në mediet rozë, këngëtari Robert Berisha dhe modelja Ana Skrel, duket se kanë vendosur të japin fund lidhjes së tyre.

Spekulimet për ndarje filluan të përhapeshin pas mungesës së një urimi publik nga Roberti për ditëlindjen e Anës ditët e fundit, një gjest që zakonisht do të ishte i pranishëm në llogaritë e tyre në rrjetet sociale.

Situata u bë më e qartë kur ndjekësit vunë re se çifti nuk po ndjek më njëri-tjetrin në platformat e tyre, duke ngritur dyshime se marrëdhënia mund të jetë përfundimisht e mbyllur.

Megjithatë, nuk ka një konfirmim zyrtar nga të dy, dhe mbetet e paqartë nëse kjo është një ndarje përfundimtare.

Kjo pasi edhe në javët e mëparshme ata kishin kaluar një krisje, por kishin arritur ta rikthenin marrëdhënien e tyre pas disa ditësh.

Ribashkimi i mëparshëm dhe tani këto shenja të fundit sugjerojnë se marrëdhënia mes Robertit dhe Anës ka kaluar në një periudhë të vështirë, ndërsa fansat dhe mediet mbeten në pritje të një konfirmimi zyrtar. /Telegrafi/