Nagavci përuron sallën e sportit në Gjakovë

Sot në Gjakovë është përuruar salla e sportit në SHMU “Zekeria Rexha”.

Atje mori pjesë edhe ministrja e Arsimit, Arbërie Nagavci.

Sipas saj ky objekt përbëhet nga 800 metra katrorë dhe investimi në këtë projekt kap vlerën e 277 mijë e 431 eurove.

“Mbesim të përkushtuar që të krijojmë mundësi për secilin fëmijë në Kosovë që të ketë qasje në edukim fizik dhe fusha të tjera, sepse krahas arsimimit dhe shëndetit të mirë, duam që ata të kenë mundësi të shprehin talentet dhe aftësitë e tyre në çdo fushë. Vazhdojmë me investime tjera”, ka shkruar ministrja në Facebook.