Musliu-Shoshi: Në politikë veç Kurti është nomad – në Kosovë s’ka as pronë, as nuk rrit fëmijë

Deputetja e Partisë Demokratike të Kosovës, Ariana Musliu-Shoshi, ka reaguar ndaj deklaratës së kryeministrit në detyrë Albin Kurti, i cili deputetët e opozitës i quajti “nomadë”.

Sipas saj, nomad është veç Albin Kurti, që për të është pa vizion të qëndrueshëm.

“Në skenën politike, veç Albin Kurti është nomad! Pa vizion të qëndrueshëm, pa një adresë të përhershme për problemet e qytetarëve dhe pa asnjë përgjegjësi për dështimet e qeverisë së tij,” ka deklaruar Musliu-Shoshi.

“Albini lëviz nga një premtim bosh te tjetri, por realiteti nuk e ndjek. Më tragjikja: në Kosovë nuk ka as pronë, as nuk rrit fëmijë, e as varr nuk ka!
Kosova ka nevojë për udhëheqje të rrënjosur në të vërtetën JO për udhëtarë politikë që zhduken kur duhet të përgjigjen!”, ka shkruar ajo.