Musliu – Shoshi: Ditëve në vazhdim do të dihet qëndrimi i KiE-së rreth zhvillimeve të fundit në Kosovë (VIDEO)

Një delegacion i deputetëve të Kuvendit të Kosovës, pjesë e së cilës është edhe kryetari Glauk Konjufca, po qëndrojnë si mysafirë në Këshillin e Evropës.

Ata kanë zhvilluar takime të shumta.

Deputetja e Partisë Demokratike të Kosovës Ariana Musliu- Shoshi tha në Info Magazine në Klan Kosova se ditëve në vazhdim pritet të dihet qëndrimi i KiE-së rreth zhvillimeve në veriun e Kosovës.

“Besoj që ditën e mërkurë ose të enjte do të kemi më shumë informata se cilat janë qëndrimet e delegacioneve sa i përket Kosovës dhe situatës së fundit që është krijuar”, tha ajo.