Mushkolaj: Përnime Manaj po mendon që na mbushë mendjen që nuk ia dhanë postin pas skandalit me vota të diasporës në LDK a?

Analisti Imer Mushkolaj “beson” se Shkëmb Manajt iu ofrua posti i nënkryetarit të Komunës së Prishtinës vetëm për t’ia “mbyllur gojën” pas skandalit me vota të diasporës në Lidhjen Demokratike të Kosovës.

Ani pse Manaj e ka mohuar një gjë të tillë, Mushkolaj nuk është bindur.

“Përnime nënkryetari i ri i Prishtinës po mendon që na mbushë mendjen kur po thotë që nuk ia dhanë postin pas skandalit me vota të diasporës në LDK a? Ta merr menja që Prishtina ka vujtë për Manajn. Mos bre. Mos”, thuhet në postimin e Mushkolajt në Facebook.

Manaj ishte prej kandidatëve të parë të Lidhjes Demokratike të Kosovës që kishte reaguar për skandalin me votat e diasporës, megjithatë zëri i Manajt nuk u dëgjua më pas.

Ai u emërua nënkryetar i Komunës së Prishtinës, ndërsa sot ka kritikuar ata që kanë publikuar mesazhet nga grupi në viber i LDK-së.