​Muriqi: Dua të qëndrojë te Mallorca deri në fund të karrierës, kjo është ëndrra ime (VIDEO)

Vedat Muriqi ishte i ftuar në programin Jugam a Fora de Joc në televizionin fibwi.

Golashënuesi më i mirë i Real Mallorcas bisedoi me me gazetarin Juan Antonio Bauzá mbi të gjitha çështjet aktuale të skuadrës së Mallorcas kur kanë mbetur vetëm pesë ndeshje për të përfunduar sezoni.

Ai gjithashtu insistoi përsëri se qëllimi i tij nuk është të largohet nga Mallorca dhe se do të dëshironte të fitonte një titull në vitet e ardhshme.

“Unë gjithmonë them se do të qëndroj këtu sepse e njoh mirë veten. Në Fenerbarche kam qenë shumë mirë dhe kam nënshkruar për Lazion dhe shkoi keq. Kështu që është një përvojë dhe nuk dua të dështoj më. Në shtëpi, tifozët më duan, unë i dua edhe ata dhe jam në ishull, i cili është një parajsë. Shpresoj që të mund të qëndroj deri në fund të karrierës sime, jo kontratës time. Familja ime është shumë komode në Mallorca”, tha Muriqi.

Ai më pas foli edhe për krahasimet që po i bëhen atij me disa prej sulmuesve më të mirë në botë.

“Është kënaqësi të krahasohesh me lojtarë si Etoo, Guiza apo sulmues të tjerë. Do të doja të shënoja më shumë se 14 gola, por është e vërtetë që nuk jam shumë i fiksuar. Qëllimi është që ekipi im të shënojë dhe të fitojë. sepse nëse shënon dy, dhe humb dy me tre, nuk është e njëjta ndjenjë. Është më mirë të fitosh dhe pastaj të shënosh gola”.

Tuje, reprezentuesi kosvar tha se synon të fitojë trofe me Mallorcan.

“Ëndrra ime nuk është të luaj në një finale, është të fitoj një Kupë të Mbretit. Shpresoj se mund të jetë dhe mendoj se mund të arrijmë atje me dy ose tre hapa të tjerë, mund të kemi një ekip të rëndësishëm”.