Murati thotë se shkalla e punësimit është rritur pesëfish: Kaq për dezinformatat!

Ministri i Financave, Hekuran Murati, ka reaguar pas gjetjeve të raportit të progresit, për vitin 2024.

Në gjetjet e raportit është bërë e ditur rritja e shkallës së punësimit, që sipas të dhënave, është më e lartë se në të kaluarën.

Sipas Muratit, kjo është rritje pesëfish, teksa flet shumë për “dezinformatat e shpërndara para ca ditësh”.

“E vërtetë që ende ka hapësirë për rritje të pjesëmarrjes së popullsisë aktive në tregun e punës, por duhet kuptuar që situatën e kemi marrë “përtokë” dhe pavarësisht progresit gjatë tri viteve të fundit, duhet ende kohë derisa gjithçka të rregullohet”, shkroi Murati në Facebook.