Molliqaj ftesë opozitës: Mos merrni pjesë në seancë

Kreu i PSD-së, Dardan Molliqaj, i ka bërë ftesë opozitës që të mos marrin pjesë nesër në seancën e jashtëzakonshme të thirrur nga kryeministri Kurti, shkruan Gazeta Demos.

“Nevojat e Kurtit nuk janë edhe nevojat e shtetit të Kosovës. Qëllimet e Qeverisë nuk janë edhe aspiratat e qytetarëve të vendit. Ndërsa, koncensusi politik i shërben vetëm metodave perfide të Kryeministrit. Ai ka nevojë për një opozitë që i rri gatitur”, ka shkruar ai.

Tutje Molliqaj ka thënë se gabimet e partive opozitare që janë bërë në të kaluarën nuk guxojnë ta përcaktojnë as shantazhojnë rrugëtimin e subjekteve politike.

“Mos merrni pjesë në seancën e së shtunës”, ka shkruar mes tjerash ai.